Monthly Archives: May 2017

Exam Week Schedule

E PËRCOLLËM GJENERATËN E 15-TË TË KOLEGJIT “MEHMET AKIF”

Mbrëmë ishte një natë e veçantë për Kolegjin “Mehmet Akif”, për familjarët e sidomos për maturantët!

Pikëllimi për ndarje nga bankat shkollore, shokët e shoqet u ngushëlluan me muzikën e preferuar të maturantëve e cila e ngrohi atmosferën në një natë të freskët.

Programi filloi me fjalimin mirëseardhës të Drejtorit të përgjithshëm të Institucioneve Arsimore “Gulistan”, i cili e falënderoi shtetin e Kosovës, Ministrinë e Arsimit Shkencës dhe Teknologjisë dhe prindërit për besimin dhe mbështetjen ndaj shkollave tona dhe iu dëshiroi maturantëve suksese të mëtutjeshme.

Në programin e udhëhequr nga dy moderatorë të njohur të skenës shqiptare Ilda Bejleri dhe Ervin Kurti mori pjesë edhe ministri i arsimit z. Arsim Bajrami, i cili tha “Sot është një kremtë për Kolegjin “Mehmet Akif”. Një ngjarje e veçantë për prind. E falënderojmë Kolegjin për mundësinë që shumë gjenerata të marrin një mësim të avancuar dhe pa dyshim se ky Kolegj është ndër shkollat më cilësore në Republikën e Kosovës. Ndërsa nxënësve u uroj maturën dhe u dëshiroj mirëseardhje në jetën akademike, suksese, shëndet dhe gjithë të mirat.”

Këtë vit diplomoi Gjenerata e 15-të më radhë e Kolegjit ”Mehmet Akif”. Gjithsej 170 maturantë. Derisa kjo gjeneratë po përgatitet për t’i filluar studimet, gjeneratat e para (2022 të diplomuar) të cilat i kanë përfunduar studimet në 156 universitetet më prestigjioze të 26 vendeve të ndryshme kanë filluar të kontribuojnë për atdhe. Përqindja e nxënësve sipas fushave të preferuara për studime është: 23% fakulteti i ekonomisë, 18% fakulteti i inxhinierisë, 16% fakulteti i mjekësisë etj.

Programi i maturës ishte i larmishëm me pika të ndryshme muzikore dhe valle folklorike e moderne. Parakalimi i maturantëve në skenë me flakadanë u duartrokitë nga prindërit, të afërmit dhe stafi i shkollës i shoqëruar me fishekzjarre dhe zërin e bukur të këngëtares Dhurata Dora.

25 Maj 2017… një natë e freskët dhe me shi… do të jetë natë e paharruar për gjeneratën e 15-të!

photos

NJOFTIM

Të premtën më 19 Maj, në orën e dytë të mësimit, në të gjitha klasët e X-ta dhe XI-ta do të mbahet Test i Përgjithshëm për nxënësit tanë.

Testi i përfshin 20 pyetje nga lënda e Matematikës dhe do të zgjasë 45 min.

Ju urojmë suksese!

Ministri Bajrami Priti Një Grup Nxënësish të Kolegjit “Mehmet Akif”

Ministri i Arsimit Shkencës dhe Teknologjisë z. Arsim Bajrami priti një grup nxënësish të kolegjit “Mehmet Akif”, të cilët do të jenë pjesëmarrës në garën ndërkombëtare të matematikës “IMO”, në Rio de Zhaneiro të Brazilit dhe në “Genius Oplimpiad”, në Oswego të SHBA – së.

Me këtë rast, ministri Bajrami përgëzoi nxënësit e këtij kolegji dhe të shkollave tjera të Kosovës për pjesëmarrjen në gara ndërkombëtare të diturisë .

“Ministria e Arsimit deri më tani i ka mbështetur dhe do të vazhdojë t’i mbështesë edhe tani e tutje.Kolegjet “Mehmet Akif”. Gjithnjë do të jemi përkrahës të organizimeve dhe aktiviteteve të ndryshme të diturisë.Sukseset e nxënësve tanë në diasporë gjithsesi na gëzojnë, na bëjnë të ndihemi mirë dhe të besojmë se me krijimin e kuadrove te afta, e ardhmja e vendit do të jetë më e ndritshme dhe më e prosperuar”, u shpreh ministri Bajrami.

Ministria e Arsimit ka mbështetur dhe do të mbështes edhe më tutje nxënësit e suksesshëm, pjesëmarrës në gara ndërkombëtare të cilët njëherësh mund të konsiderohen si ambasadorë të rinj të vendit, tha në fund ministri Bajrami.

Tre nxënës të Kolegjit “Mehmet Akif” marrin pjesë në ekipin përfaqësues të Kosovës në garën e matematikës “IMO” e cila do të mbahet gjatë muajit korrik në Brazil dhe do të garojnë 127 vende të ndryshme të botës.
Ndërsa në garën “Genius Olpimiad” e cila do të mbahet në SHBA gjatë muajit qershor Kolegjet “Mehmet Akif” do të marrin pjesë me 13 projekte,gjithsej me 25 nxënës.
Ju urojmë suksese nxënësve tanë në Brazil dhe në Amerikë!

photos